الاتحاد برس :
منقول :
انيس منصور .. كيف وصلوا إلى خامنئي؟ وإزاي يصوّروا جثته من قلب المكان؟!
تفاصيل اغتيال خامنئي بدأت تتكشف كاملة، واللي حصل خلي الكل مذهول.. ????
الموضوع مش ضربة وخلاص، ده فيلم استخباراتي بكل تفاصيله، ومعلومات دقيقة جدًا، وتوقيت محسوب بالثانية.
الـ CIA كانت بتتبع تحركات السيد خامنئي من شهور، وعارفة بيغيّر خط سيره إزاي، وبيتنقل إمتى، وبيبدّل نظامه الأمني إزاي.
لحد ما جات اللحظة الحاسمة: اجتماع مهم امبارح السبت 28 فبراير في مجمّع القيادة وسط طهران.
???? والمعلومة الأخطر؟ إنه هيكون حاضر بنفسه.
واشنطن وتل أبيب عدّلوا ساعة الصفر عشان اللحظة دي، الاستخبارات رصدت 3 مواعيد محتملة.. واختاروا أدق توقيت.
تخيّل إن 30 قنبلة نزلت على المجمع، و7 صواريخ في أول موجة لوحدها.
المرشد الإيراني قعد 35 سنة في السلطة.. وتم القضاء عليه في لحظة!
واللي صدم الناس أكتر؟ ????
عميل إسرائيلي قدر يوثّق جثته من قلب المكان، وسط الركام، وبعت الفيديو مباشر لمكتب بنيامين نتنيـ.ـاهو.
المصادر العبرية بتقول إن التوثيق مكنش من سوشيال ولا إعلام، ده عنصر موجود فعليًا بين الأنقاض.
طيب السؤال اللي بيتكرر كل شوية..
???? ليه إيران مبتضربش حاملة الطائرات الأمريكية وتغرقها في البحر؟
هو سؤال منطقي طبعا، بس الواقع أعقد من كده بكتير..
أولًا: حاملة الطائرات عمرها ما بتمشي لوحدها، وبيبقى معاها “المجموعة الضاربة” كاملة، ودي عبارة عن مدمرات مزوّدة بنظام Aegis الدفاعي اللي يقدر يعترض سيل صواريخ في وقت واحد.
فوق ده كله في غطاء جوي مكون من طيارات زي F-35 وF-18 بتأمّن السماء حوالين الحاملة، وبترصد أي مسيّرة أو زورق قبل ما يقرب أصلاً.
مش بس كده، فيه كمان تحت المية غواصات هجومية نووية بتحرسها من أي تهديد جاي من تحت.
يعني ببساطة، أي هجوم مباشر هيحتاج وابل صواريخ مهول، وغالبًا هيتصدّ له قبل ما يوصل.
وخلينا واقعيين، إغراق حاملة طائرات فيها أكتر من 5000 جندي أمريكي مش حادثة عسكرية عادية، دي هتكون لحظة إعلان حرب شاملة رسميًا من الولايات المتحدة.
???? طيب مين هيكون خليفة السيد خامنئي؟
شوف يا سيدي، إيران دلوقتي بتمشي بمجلس ثلاثي: الرئيس، ورئيس القضاء، وعضو من مجلس صيانة الدستور، وخلال ساعات أو أيام، مجلس الخبراء هيختار المرشد الجديد.
الحرس الثوري واضح إنه ماسك الميدان، وبيوسّع المواجهة، وضربات متفرقة هنا وهناك بتوصل رسالة إن القرار العسكري حاضر بقوة، وده طبيعي يأثر على عقلية اختيار المرشد الجديد.
وفي الناحية التانية، ترامب بيحاول يخرج بانتصار سياسي تصريحات دبلوماسية محسوبة، يمكن أملًا في نهاية سريعة تتكتب باسمه.
✍️ وفي النهاية، عايزة اقول إن سقوط إيران مش حدث عابر، والهجوم على الخليج مش خطوة سهلة تتاخد كده وخلاص.. الحرب عمرها ما كانت لعبة، ولا مادة هزار نتسلى بيها على السوشيال!
ربنا يعدّي الأيام التقيلة دي على خير ويحفظ جميع الدول العربية، ويكتب للمنطقة سلامًا قبل ما النار تاكل الكل..
